Iku në Zvicër te djali/ Arsimi e thotë hapur që e merr malli për Anën: Më mungon zemra ime

Pak ditë më parë, u konfirmua se ish-konkurrentët e “Për’Puthen”, Ana Lleshi dhe Arsim Abdulli janë në një lídhje dashurie.

Këtë lajm e ka konfirmuar vetë Ana në një intervistë për “Top Albania Radio”. E pyetur për raportin e saj me djalin nga Maqedonia, Ana u vendos në siklet duke pranuar “Ku ka zë, nuk është pa gjë”.

Duket se çifti ka vendosur të mos fshíhet më nga sytë e publikut dhe nëse më parë ruheshin mirë kur dilnin me njëri-tjetrin, tashmë s’e kanë aspak problem.

“Iconstyle.al” ka siguruar një foto të Anës dhe Arsimit në një ambient publik në kryeqytet, teksa pinin diçka e bisedonin me njëri-tjetrin, pa praninë e personave të tjerë.

Më vonë, Ana përcolli Arsimin në aeroport, pasi ai u largua për të qenë pranë djalit të tij. Cifti po qëndron i ndarë për disa ditë, ndërkohë që duket se Arsimin e ka marrë malli që tani për Anën.

I pyetur nga ndjekësit në InstaStory se cili person në Tiranë i mungon më shumë, ish-konkurrenti liston të parën “zemrën e tij”, ndërsa më pas djemtë e “Për’Puthen” që i ka bërë shokë. Por, atë nisën ta pyesin shumë ndjekës se cila është “zemra e tij”, ndaj Arsimi u përgjigj:

“Do ta zbuloni kur të vijë koha dhe pyetjet me Anën do të sqarohen.” Gjërat janë mëse të qarta gjithsesi!